Шкендија доби строга казна од ФФМ

Фудбалскиот клуб Шкендија ќе ги одигра следните пет домашни натпревари без присуство на публика, откако Дисциплинската комисија на ФФМ донесе одлука за строги санкции поради недолично однесување на навивачите и непочитување на минута молк на натпреварот против Брера, одигран во рамки на 25. коло од Првата македонска фудбалска лига.

Шкендија жали за жртвите во Кочани и се оградува од навивачки инцидент

Парична казна од 6.000 евра и дополнителни санкции

Покрај забраната за публика, ФК Шкендија е казнета со вкупно 6.000 евра:

5.000 евра поради лоша организација на натпреварот,

1.000 евра за спречување на официјален снимател во извршување на својата работа.

Суспензија за делегатот Гоце Шоповски

Дополнително, делегатот на натпреварот Гоце Шоповски од Струга е суспендиран на шест месеци од вршење на било каква функција во фудбалот, бидејќи не реагирал согласно организациските протоколи. Од него се очекувало да нареди празнење на трибините по нарушувањето на редот.

 ФФМ со силна порака: Нулта толеранција за расизам и национализам

„ФФМ нема да биде толерантна кон вакви појави. Секој клуб и официјално лице мора да покаже максимална одговорност. Делегатите имаат сите инструменти за постапување, и ќе добијат целосна поддршка при нивната примена“, се вели во соопштението на ФФМ.

Со оваа одлука, федерацијата испраќа јасна порака за нулта толеранција кон расистичко, националистичко и недолично навивање, со цел да се обезбеди фер и безбеден спортски амбиент.

Извор: Република