Се ближат локалните избори во 2025 година кои ќе се одржат наесен, а веќе партиите почнуваат да ги откриваат нивните адути. Интересна е ситуацијата во скопската општина Аеродром која партиите ја сметаат за исклучително значајна.
Кој ќе биде иден градоначалник на Аеродром?
Сѐ поверојатно е дека од владејачката ВМРО-ДПМНЕ кандидат ќе биде Дејан Митески кој моментално ја извршува функцијата в.д. градоначалник на Аеродром. Засега се шпекулира дека Левица ќе настапи со својот најсилен адут Горан Костовски – Чиз. Тој е толку многу популарен што дури го засенува и партискиот лидер Димитар Апасиев. Нашиот медиум вчера ги објави деталите околу кандидатот на Левица кој претендира за градоначалничката функција.
Горан Костовски ќе биде кандидат на Левица за градоначалник на Аеродром?
Дали СДСМ ќе има кандидат или ќе го поддржи Костовски од Левица?
До нашиот медиум стигнаа информации дека СДСМ кога прочитале дека Горан Костовски ќе биде кандидат на Левица се размислуваат дали воопшто да кандидираат свој кандидат или пак да го поддржат Костовски. Во СДСМ пак владее разочараност по убедливиот пораз на Александар Филиповски – Цанде, а партијата има негативен рејтинг во оваа општина заради претходниот градоначалник Златко Марин.
ВМРО-ДПМНЕ со највисок рејтинг
Сепак, извесно е дека ВМРО-ДПМНЕ има највисок рејтинг и веројатно е дека нивниот кандидат повторно ќе биде градоначалник на Аеродром. Според шпекулациите, партијата на Мицкоски во оваа општина ќе оди со сегашниот в.д. градоначалник Дејан Митески.