Кривична пријава за изнуда против двајца скопјани – од оштетен изнудиле 300.000 евра

Кривична пријава за изнуда поднесе Одделот за организиран криминал против Ш.М. и Ф.М. – оштетениот под закани исплатил 300.000 евра

Кривична пријава за изнуда е поднесена против две лица од Скопје. Осомничени се дека со закани изнудувале пари од жител на Куманово. Пријавата е поднесена од Одделот за сузбивање на организиран и сериозен криминал до ОЈО ГОКК  на 5 август 2025 година.

Станува збор за кривична пријава за изнуда против Ш.М. (34) и Ф.М. (37), двајцата од Скопје, поради основано сомнение дека сториле кривично дело изнуда – член 258, став 3 од Кривичниот законик.

„Во временски период од осум години, Ш.М. и Ф.М. од оштетено лице од Куманово, изнудувале пари, при што континуирано му упатувале сериозни закани врз неговиот и животот на неговата фамилија, со што прибавиле противправна имотна корист во вредност од 300.000 евра“, соопшти МВР.

Според информациите, оштетениот првично позајмил 30.000 евра од Ш.М. со договор секој 1-ви во месецот да исплаќа камата од 16%. Со текот на времето, преку брзи трансфери на пари и лични исплати, тој му предал вкупно 300.000 евра.

„Во наведениот временски период оштетениот од Ш.М. земал 30.000 евра договарајќи се секој 1-ви во месецот да му исплаќа камата од 16%, при што до сега во повеќе наврати преку брз трансфер на пари, но и лично на Ш.М. му исплатил вкупно околу 300.000 евра“, се наведува во соопштението од МВР.

На 4 август 2025 година, по претходен договор, оштетениот и Ш.М. се сретнале во кафе-бар во склоп на бензинска пумпа во Куманово. Таму, оштетениот му предал 2.000 евра. Веднаш потоа, полицијата го лишила Ш.М. од слобода и кај него ги пронашла парите.

„На 04.08.2025, врз основа на претходен договор меѓу Ш.М. и оштетениот, тие се сретнале во кафе бар во склоп на бензинска пумпа во Куманово, каде оштетениот му дал на Ш.М. 2000 евра, по што Ш.М. е лишен од слобода, а при извршен преглед на лицето, кај него се пронајдени парите“, информира полицијата.

Во рамки на постапката за кривичната пријава за изнуда, на ист ден била извршена и судска наредба за претрес на куќата каде што престојуваат Ш.М. и Ф.М. При претресот била пронајдена документација поврзана со кривичното дело.

„Врз основа на издадена наредба од судија на претходна постапка од Основен кривичен суд Скопје, извршен е претрес во куќа каде престојуваат Ш.М. и Ф.М., при што е пронајдена документација поврзана со кривичното дело“, се вели во соопштението од МВР.