Во тешкиот напад што се случи во центарот на Вилах, Австрија, 23-годишен сириски државјанин избодел пет минувачи, при што четиринаесетгодишно момче загина, а четири лица се повредени. Австриските власти го уапсија напаѓачот и продолжуваат со истрагата за можни дополнителни осомничени.

Напад во центарот на Вилах – полицијата истражува можен мотив

Според првичните информации, нападот се случил по случаен избор, без конкретни жртви на мета. Осомничениот има легален престој во Австрија, но досега не ѝ бил познат на полицијата. Властите се уште работат на утврдување на неговите мотиви и дали имал помошници.

  • „Сè уште не е јасно дали напаѓачот делувал сам, па затоа продолжуваме со потрагата по можни соучесници“, соопшти австриската полиција.

Во нападот, двајца мажи се тешко повредени, додека уште двајца се здобиле со полесни повреди.

Гувернерот на Корушка, Петер Кајзер, остро го осуди нападот и порача дека Австрија мора да биде бескомпромисна кон насилството.

  • „Ова страшно злосторство мора да има најтешки последици! Кој живее во Австрија мора да ги почитува нашите закони, правила и вредности. Секој што нема да го стори тоа, мора да се соочи со најстрогите последици – да биде изведен пред суд, затворен и депортиран.“

 Втор смртоносен напад во Европа за неколку дена

Овој напад се случува само два дена откако во Минхен, Германија, двегодишно девојче и нејзината мајка беа убиени во напад со автомобил, при што 37 лица беа повредени.

Австриските безбедносни служби продолжуваат со истрагата, а полицијата засега не открива детали за евентуална терористичка позадина на нападот.