Левица гласаше „НЕ“ за згрижување на жени жртви на насилство во Скопје

Советниците на ВМРО-ДПМНЕ ја поздравуваат одлуката на мнозинството за поддршка на жртвите

На 4-та седница на Советот на Град Скопје, советниците од политичката партија Левица не ја поддржаа иницијативата за времено згрижување на жените жртви на родово базирано насилство и жртвите на семејно насилство. Одлуката предвидуваше право на користење на стан во сопственост на Градот Скопје за краток период.

Анета Марковска, советник од ВМРО-ДПМНЕ, истакна:

„Драги мајки, жени, сестри, драги скопјани, денес, на 4-та Седница на Советот на Град Скопје, советниците од политичката партија Левица НЕ гласаа за времено згрижување на жените жртви на родово базирано насилство и жртвите на семејно насилство, со право на времено користење на стан во сопственост на Град Скопје.“

Таа го критикуваше ставот на Левица:

„Денес, Левица го достигна врвот на лицемерието и стави печат ‘НЕ’ за поддршка на жртвите.“

Сепак, според Марковска, одлуката сепак беше усвоена благодарение на мнозинството во Советот:

„За среќа на едно семејство, мнозинството во Советот ја поддржа оваа одлука.“

Одлуката ќе овозможи жртвите на родово и семејно насилство да добијат привремено сместување во станови кои се во сопственост на Град Скопје, обезбедувајќи им заштита и време за стабилизирање на нивната ситуација.