Државно раководство евакуирано во засолништа

Литванија денеска го запре сообраќајот на аеродромот во главниот град Вилнус и издаде предупредување за „воздушна опасност“ поради сомнежи дека беспилотни летала навлегле во воздушниот простор на земјата.

Според порталот Делфи, претседателот на Литванија Гитанас Науседа, премиерката Инга Ругиниене и претседателот на Сејмасот Јуозас Олекас биле веднаш преместени во засолништа.

Апел од армијата и предупредувања до граѓаните

Литванската армија упати порака до граѓаните на главниот град со апел за итно засолнување и следење на нови инструкции.

По откривање на сомнителен дрон во близина на границата со Белорусија, Националниот центар за управување со кризи прогласи предупредување за воздушна опасност за неколку области, меѓу кои Игналина, Утена, Швенчионис и Зарасаи.