Новоизбраниот градоначалник на Општина Карпош, Сотир Лукровски сподели дека има добри вести за сите жители на Општина Карпош.
На вчерашната вонредна седница, Лукровски информира дека советниците ја поддржале неговата иницијатива за покривање на трошоци за комунални услуги во сите основни училишта во општината.
Воедно, усвоени се и развојните програми за 2026 година кои вклучуваат: реконструкции на улици, фекални и атмосферски канализации, изградба на нови детски градинки и подобрување на спортските сали во училиштата.
„Заедно градиме потопла, побезбедна и развиена општина“, истакна Лукровски.