Нов концепт на присуство на полицијата – маалска стража
Од следната есен граѓаните ќе ги гледаат истите полицајци на истите улици во нивните населби. Ова го најави министерот за внатрешни работи Панче Тошковски, промовирајќи ја идејата за „маалски полицаец“, која треба да стане дел од новиот концепт на јавно безбедносно присуство од есен 2026 година.
– Преку новиот закон за полиција, очекувам веќе од следната есен да имаме зголемена видливост на полицијата на терен. Истите службеници ќе бидат присутни во истите реони, со цел континуитет и доверба – истакна Тошковски.
Со оваа најава, Министерството планира значително да ја зголеми довербата меѓу полицијата и граѓаните, со редовно присуство на исти службеници во секоја населба, што ќе придонесе и за подобра превенција од криминал.
Во 2018, овој концепт го најави тогашниот министер за внатрешни работи Оливер Спасовски, но тој не се реализира.
Преземено од плусинфо:
ИСТ ПОЛИЦАЕЦ, ИСТО МААЛО, СЕКОЈ ДЕН Тошковски најави маалска стража од следната есен