Македонија се издвојува како земја од регионот со најквалитетно гориво, според јавно достапните податоци. Квалитетот на горивата во земјава редовно се проверува, а контролите се оценуваат како строги.
Добар квалитет на горивото има и во Србија, особено на бензинските станици на големите и познати брендови. Во Црна Гора, пак, горивата генерално се оценуваат како квалитетни и усогласени со европските стандарди.
Во Босна и Херцеговина квалитетот може повеќе да варира во зависност од бензинската станица и од ентитетот во кој се наоѓа.
Посебно внимание се препорачува при полнење гориво на Косово. Таму има бензински станици со добар квалитет, но како посигурен избор се издвојуваат големите и прометни брендови.
Слична е ситуацијата и во Албанија, каде што квалитетно гориво може да се најде на поголемите и попрометни бензински станици.