Македонската женска ракометна репрезентација го започна настапот на „Трофеј Македонија“ со победа над Србија со резултат 29:21. Натпреварот се одржа во Охрид, каде македонските ракометарки без поголеми проблеми ја совладаа српската репрезентација.
Во првиот дел од натпреварот, македонскиот тим ги искористи техничките грешки на противникот и на полувреме имаше предност од 17:9. Во вториот дел, македонските ракометарки ја зголемија предноста до девет разлика.
Најдобра ракометарка на натпреварот беше капитенот на македонската репрезентација, Сара Ристовска, која постигна седум голови.
Во првиот дуел на „Трофеј Македонија“, Хрватска и Црна Гора одиграа нерешено 20:20.
Утре, македонскиот тим ќе се соочи со Црна Гора, а натпреварот ќе започне во 17:30 часот.