Истражувањата на Агенцијата за национална безбедност (АНБ) откриле дека граѓани на Македонија заминале да се борат во странски војни, меѓу кои и војната меѓу Русија и Украина, како и во вооружени конфликти на Блискиот Исток.
Според податоците, четворица македонски државјани заминале да војуваат на страната на Русија против Украина. Дополнително, уште четворица лица од Македонија се приклучиле на терористички банди на Блискиот Исток. АНБ посочува дека неколку организации од земјава кои испраќаат хуманитарна помош за регионот, преку своите контакти помогнале во заминувањето на овие луѓе.