Еспер го тужеше Министерството за одбрана поради цензурирање на делови од неговиот ракопис, јави Би Би Си.
Тој изјави дека е „разочаран” бидејќи му е прекршено правото на слобода на говор.
Поранешниот американски претседател Доналд Трамп го назначи Еспер за министер за одбрана во 2019 година, но го отпушти веднаш по изборите во ноември 2020 година.
Книгата, која треба да биде објавена во мај 2022 година, е „искрен мемоарски текст” за времето поминато на чело на Пентагон, се наведува во тужбата на Еспер.
Тој ја обвинува службата што ја предводел 18 месеци дека „произволно” го уредувала текстот на мемоарите, кои според него се „клучни за важна приказна” која има намера да ја објави.