Меморандум за развој за поголема ефикасност и конкурентност
Во Загреб денеска се потпиша Меморандум за развој, кој го водеше министерката за финансии Гордана Димитриеска-Кочоска заедно со министрите за финансии и економија на Бугарија, Хрватска, Унгарија, Полска, Романија, Словачка и Словенија. Иницијативата има за цел зајакнување на националните пазари на капитал преку поблиска соработка и усогласување на регулаторните рамки, со што ќе се зголеми ликвидноста и ќе се создадат поефикасни и поконкурентни пазари.
Поддршка од Европската унија и регионалните берзи
Овој Меморандум ја надоврзува претходната иницијатива од крајот на 2024 година, кога берзите од Братислава, Букурешт, Будимпешта, Љубљана, Скопје, Софија, Варшава и Загреб потпишаа сличен договор со поддршка на Европската банка за обнова и развој (ЕБОР). Земјите потврдија заедничка политичка волја за јакнење и подобрување на конкурентноста на капиталните пазари во Централна и Југоисточна Европа.
Со реализацијата на Меморандумот се очекува подобрување на финансирањето, поттикнување инвестиции и промовирање одржлив економски раст, особено преку поддршка на малите и средни претпријатија. Документот е усогласен и со стратегијата на Европската унија за насочување на приватниот капитал кон капиталните пазари, подобрување на прекуграничните текови и создавање поотпорен и подлабок пазар.