Според него, дури и поместување на локалните избори нема да значи ништо ако тоа се направи со цел да се имунизираат теренските попишувачи.
-Првиот момент кога ќе имаме имунизирани попишувачи каде што здравјето на граѓаните нема да биде загрозено и нема да постои опасност дека попишувачите можат да шират пандемија, да, ние сме тие кои што ќе го поддржат пописот. Ние имаме принципиелен став: Да за попис, но не за ваков попис во епидемиолошка ситуација кога 30 луѓе, еве денеска прочитав се починати или над 1.200 заразени, рече Мицкоски.
Според него, Македонија се движи кон пикот на третиот бран во очиглед на пописот.
Прашан што неговата партија ќе направи доколку пописот не се одложи и доколку попишувачите не се вакциниран, Мицкоски не одговори конкретно дали ВМРО-ДПМНЕ ќе го бојкотира пописот.
-Граѓаните не смеат да бидат заложници на политичкиот договор Заев-Ахмети. Јас го избирам здравјето на сметка на политичкиот договор Заев-Ахмети. И упатувам апел до граѓаните да го изберат здравјето на сметка на политичкиот договор Заев-Ахмети, појаснувајќи дека здравјето се бира на начин што дома би примиле попишувач кој е имунизиран.
На новинарско прашање што би направил доколку на неговата врата се појави невакциниран попишувач Мицкоски одговори:
– На памет не ми доаѓа да разговарам со неимунизиран попишувач, дециден е лидерот на опозицијата.
Сепак, тоа за него не е бојкот, туку избор за живот.