Голем број клиенти на БКТ останаа без средства по пробивање на системот и клонирање на картички
Голем број клиенти на Национална трговска Банка (БКТ) во Албанија се соочија со изненадувачка ситуација, откако нивните картички биле мистериозно испразнети.
„Идентификувани се голем број случаи каде што се покажа дека картичките биле користени во различни земји. Во еден случај, граѓанска картичка била користена во Бугарија за купување во износ од илјадници евра. Во друг случај, парите биле украдени во Италија и така натаму“, објави весникот „Капитали“.
Весникот официјално контактирал со БКТ за да дознае детали за инцидентот.
„Банката призна дека картичките биле клонирани од банкомат во Тирана, каде што сторителите на кражбата инсталирале камера. Овој феномен траел само еден час, а потоа безбедносниот пропуст бил откриен од страна на нашите вработени. Според банката, бројот на картички што биле клонирани е мал. Во меѓувреме, најавуваме дека граѓаните кои биле жртви на кражбата ќе бидат целосно обесштетени“, соопшти БКТ, пренесе „Капитали“.
Весникот додава дека, иако не можел независно да го потврди обемот на инцидентот, идентификувањето на неколку случаи укажува дека проблемот може да биде поголем отколку што Банката официјално признава.
„Нарушувањето на безбедноста во најголемата банка во земјата е загрижувачко, што ја потврдува потребата од масовни инвестиции во сајбер безбедноста од страна на банкарскиот сектор, особено во ерата на дигитализација“, заклучува „Капитали“.