Александар Митровиќ изостана во составот за натпреварот од второто коло на Премиер лигата меѓу Фулам и Брентфорд, а Фабрицио Романо има информации дека тоа значи дека ќе оди кај Нејмар.
Италијанскиот експерт за трансфери Фабрицио Романо пренесува дека се е готово и дека Александар Митровиќ е новиот фудбалер на Ал Хилал! Корпулентниот напаѓач од Смедерево цело лето се обидуваше да замине во Саудиска Арабија, но Фулам не му дозволи, а сега Романо тврди дека е надвор од тимот за мечот со Брентфорд поради комплетирањето на неговиот трансфер на истокот.
Митровиќ го започна натпреварот на стартот од Премиер лигата против Евертон на клупата за резерви, а потоа во вториот дел го замени Раул Хименез. Тој веднаш се повреди на стартот од вториот дел, но остана во игра до крајот на натпреварот.
По натпреварот тој беше виден на патерици, а иако официјалното објаснување е дека рекордерот за српската репрезентација не игра поради повреда, Романо тврди дека се работи за трансфер. Ал Хилал веќе направи голема работа ова лето и ги доведе Нејмар, Калида Кулибали и Сергеј Милинковиќ-Савиќ.
Александар Митровиќ е незадоволен во клубот бидејќи Фулам не сакаше да му понуди нов подобрен договор, а во претсезоната одби да тренира и да настапи за сегашниот клуб за да го убеди тимот да го продаде. Останува да се види дали Фабрицио Романо навистина е во право или Митровиќ едноставно не може да игра поради повреда.