Хрватска обезбеди пласман во нокаут-фазата
Хрватската фудбалска репрезентација со победата од 2:1 против Гана го потврди пласманот во нокаут-фазата на Светското првенство, завршувајќи како второпласирана во групата „Л“.
Головите за „коцкестите“ ги постигнаа Петар Сучиќ и Никола Влашиќ, а во шеснаесеттинафиналето Хрватска ќе игра против Португалија.
Асистенција за нов рекорд
Натпреварот, покрај пласманот меѓу 32-те најдобри селекции, ќе остане запаметен и по историскиот рекорд на Лука Модриќ.
Искусниот капитен асистираше при победничкиот гол на Влашиќ, со што стана највозрасниот фудбалер кој забележал асистенција на натпревар од Светско првенство.
Модриќ го надмина Тијаго Силва
Модриќ го постави рекордот на возраст од 40 години и 291 ден, надминувајќи го досегашниот рекордер Тијаго Силва.
Бразилскиот дефанзивец во 2022 година асистираше против Јужна Кореја на возраст од 38 години и 83 дена. Во врвот на оваа листа е и Роже Мила, кој на Мундијалот во 1990 година против Англија запиша асистенција на 38 години и 51 ден.