Со последните бројки, 70 проценти од населението над 70 години имаат примено барем една доза вакцина, 68 осто од населението над 65 години е вакцинирано со барем една доза вакцина, 64 осто од населението над 60 години е вакцинирано со барем една доза вакцина и 55 проценти од населението над 50 години е вакцинирано со барем една доза вакцина.
Од МЗ појаснуваат дека граѓаните без закажан термин се вакцинираат, во постоечките вакцинални пунктови низ државата и додаваат дека процесот на теренска вакцинација се одвива на територија на цела држава, со ротации на медицински екипи во секое село, рурално населено место, населба. Децата од 12 до 18-годишна возраст се вакцинираат со согласност од родител.
-Вакцините се безбедни и ефикасни и се единствениот начин да се победи пандемијата, велат од Министерството за здравство и посочуваат дека само со комплетна вакцинација се спречува тешка форма на болеста се намалува шансата од заболување како и смртен исход.