На Барселона и е понудено да го ангажира напаѓачот на Пари Сен-Жермен, Нејмар за 50 милиони евра, објави „ТВ Ел Чирингуито“.
Според фудбалскиот ТВ канал, каталонскиот клуб добил повици од посредници од ПСЖ. Се истакнува дека на Барселона и било ветено дека нема да има проблеми во преговорите со парискиот клуб.
Во исто време и самиот 30-годишен Бразилец со задоволство би се вратил во Барса. Ова е единствениот клуб каде напаѓачот е подготвен да замине.
Сепак, сега Каталонците не ја разгледуваат опцијата за потпис на Нејмар, бидејќи се фокусирани на трансферот на напаѓачот на Баерн, Роберт Левандовски.
Нејмар минатата сезона за Париз во сите натпреварувања постигна 13 гола и имаше осум асистенции на 28 натпревари. Договорот на напаѓачот со клубот е до 30 јуни 2025 година.