Русија од утре ја запира испораката на гас за Бугарија. Тоа ќе значи дека и за Македонија ќе нема снабдување со гас, бидејќи истиот доаѓаше преку Бугарија.
Како што пишуваат бугарските медиуми, Гаспром ја прекинува испораката на гас и за Бугарија.
Денеска Бугарија добила известување дека испораките на природен гас од Гаспром експорт ќе бидат прекинати од утре, 27 април 2022 година.
-Бугарската страна целосно ги исполни своите обврски и навремено, строго и во согласност со неговите клаузули ги изврши сите плаќања што се бараат според овој договор, се вели во соопштението кое го пренесуваат медиумите.
Според портпаролката на кабинетот Лена Бориславова, премиерот и вицепремиерот се свесни за ситуацијата и велат дека нема причина за паника или грижа.
Ова е голем проблем и за Македонија бидејќи ние како држава добиваме гас токму преку Бугарија.