Повеќе од 3.000 луѓе се убиени во американско-израелските напади врз Иран, според најновите податоци на Новинската агенција на активисти за човекови права во Иран (ХРАНА). Според организацијата, најголемиот дел од жртвите се цивили.
ХРАНА наведува дека меѓу загинатите има најмалку 1.319 цивили, од кои 206 се деца. Податоците се базираат на информации собрани преку активистички мрежи во Иран и извештаи од здравствениот сектор.
Според истите податоци, убиени се и 1.122 ирански војници, додека за уште 599 жртви не е утврдено дали станува збор за цивили или припадници на војската.
Во изминатите 24 часа, според извештајот на ХРАНА, евидентирани се 21 загинат цивил, меѓу кои и едно дете.
Официјалните податоци на иранското Министерство за здравство се пониски од оние на активистичката организација. Според министерството, во американско-израелските напади загинале 1.200 луѓе, а околу 10.000 се повредени.