Во разорниот земјотрес со јачина од 7,7 степени според Рихтеровата скала, што ја погоди Мјанмар, досега се извлечени телата на над 3.000 загинати лица, а бројот на повредени надмина 4.500, јави државната телевизија МРТВ.
Хунтата привремено го запира огнот
Владејачката хунта денеска објави примирје во граѓанската војна за да се олеснат спасувачките операции и доставата на хуманитарна помош. Според соопштението, прекинот на огнот ќе трае до 22 април, но армијата предупреди дека ќе преземе „неопходни мерки“ доколку вооружените опозициски групи извршат напади или се прегрупираат.
Драматични спасувачки операции по земјотрес
Спасувачките тимови денеска успеаја да извлечат тројца преживеани од урнатините, пет дена по земјотресот. Сепак, повеќето операции резултираат со пронаоѓање на безживотни тела, а бројот на жртвите веројатно ќе продолжи да расте.
Огромна хуманитарна криза
Мјанмар веќе се соочуваше со длабока хуманитарна криза поради граѓанската војна. ОН проценуваат дека над три милиони луѓе се внатрешно раселени, а повеќе од 20 милиони биле во потреба од помош дури и пред катастрофата.
(ВИДЕО) Чистач на прозорци го преживеа разорниот земјотрес на работното место
Земјотресот бил силно почувствуван и во соседен Тајланд, каде што исто така е пријавена материјална штета.
Извор: Миа