Во земја во која тендерите, листите на чекање, недостатокот на терапии, централизацијата, недостигот на квалификувани професионалци и честите смени на министри се само неколку од предизвиците кои влијаат на животот на лицата со ретки болести, здруженијата бараат децентрализација на здравствените услуги и пристап до соодветни терапии.
Еден специфичен проблем лежи во недостигот од специјалисти за детска ревматологија, што предизвикува потешкотии кај децата со ревматски заболувања. Пациентите со мултиплекс склероза се жалат и на сложените процедури кои се вклучени во набавката на потребната опрема како инвалидски колички и бастуни.
Според граѓанските организации, задоцнетото дијагностицирање на овие болести е едно од најголемите проблеми. Некои поединци чекаат до 10 години за да добијат точна дијагноза, додека нивните состојби продолжуваат да напредуваат.
Извор: Алсат