На 5 октомври 2026 година, околу 19:15 часот, на улицата „Кленоец“ во Охрид, полициски службеници од СВР Охрид го лишиле од слобода 76-годишниот И.С. од Охрид.
Според информациите од полицијата, тој претходно во семејниот дом физички нападнал член на неговото семејство, а потоа испукал два куршуми во воздух од пиштол.
При извршениот увид и претрес во неговиот дом, со судска наредба, полициските службеници го пронашле и одзеле пиштолот.
Од СВР Охрид информираат дека по целосното расчистување и документирање на случајот, против 76-годишникот ќе биде поднесена соодветна пријава.