Ниска излезеност во три општини

Според официјалните податоци на Државната изборна комисија (ДИК) за излезеноста до 18:30 часот, трите општини – Врапчиште, Маврово Ростуше и Центар Жупа – не го достигнале потребниот праг на гласачи за избор на градоначалник. Во Врапчиште излегле 21,41% од запишаните гласачи, во Маврово Ростуше 28,58%, а во Центар Жупа 21,30%.

Неколку општини можно е да не изберат градоначалник поради ниска излезеност – еве каде е најниска излезноста

Законски праг од една третина

Согласно член 132 од Изборниот законик, за да се избере градоначалник во првиот круг или за да се оди во втор круг, потребно е најмалку 33,33% од избирачите запишани во соодветната општина да го остварат своето право на глас.

Повторување на изборната постапка

Изборниот законик пропишува дека, доколку не излезат најмалку една третина од гласачите, изборната постапка во целост се повторува за таа општина. Тоа значи дека граѓаните на Центар Жупа, Маврово Ростуше и Врапчиште ќе треба повторно да излезат на гласање во нов термин што ќе го одреди ДИК.