Кристијано Роналдо повторно го привлече вниманието со својата страст кон луксузните автомобили. Ал Наср објави фотографии од неговата приватна гаража, а зад португалската фудбалска ѕвезда се гледа колекција од повеќе од 40 автомобили.
Според проценките на странските медиуми, вредноста на целата колекција денес надминува 50 милиони евра. Ал Наср фотографиите ги објави со краток опис: „Моите играчки“, додека бројот и вредноста на автомобилите предизвикаа големо внимание кај милионите фанови на Роналдо.
Највредниот автомобил во колекцијата е „Bugatti Centodieci“, од кој се произведени само десет примероци во светот. Неговата вредност се проценува на околу 10 милиони евра, што го прави најскапиот автомобил што го поседува Роналдо.
Меѓу автомобилите во неговата гаража се наоѓаат и „Ferrari Daytona SP3“, проценет на околу 3 милиони евра, „Ferrari Monza SP2“, чија вредност е околу 2,5 милиони евра, како и „Mercedes-AMG One“, вреден околу 4 милиони евра.
Во колекцијата се и „Bugatti Chiron“, со проценета вредност од околу 4 милиони евра, „Bugatti Veyron“, „Ferrari LaFerrari“, „Lamborghini Countach“, „Lamborghini Aventador“ и „McLaren Senna“.
Роналдо поседува и „Rolls-Royce Cullinan“, „Rolls-Royce Phantom“, „Ferrari Purosangue“ и „Mercedes Brabus G-Class“.
Колекцијата ја дополнуваат и повеќе модели на „Porsche“, „Aston Martin“, „Bentley“ и „BMW“.
View this post on Instagram