Завршување на експресниот пат и идните инфраструктурни планови

Александар Николоски, министер за транспорт во Македонија, на свеченото отворање на експресниот пат изрази задоволство од брзината со која новата Влада ги реши проблемите и ја заврши изградбата на патот.

(ВИДЕО) За неколку месеци ја откочена работата на патот Градско – Дреново, Македонија станува градилиште на патишта

Брза акција и решавање на проблемите

Министерот Николоски нагласи дека Владата успеала да формира Комисија и да ги реши проблемите со два амандмани во краток рок.

  • „Новата Влада за само месец дена ја формираше Комисијата, истата се формираше на крајот од јули, во тек на август се работеше на содржината на овие два амандмани и на 12 септември проблемите се решија. Од 12 септември до буквално Нова година се работеше, се заврши комплетно и сакам да честитам на сите бидејќи имаме експресен пат.“

Поддршка за идни проекти

Николоски истакна дека граѓаните треба да знаат кој активно работи на вакви проекти и изрази поддршка за Владата.

  • „Овие работи треба да се кажат бидејќи народот треба да знае кој работи, а кој не работи. Овој пат денеска што го гледате е реален и не е направен со вештачка интелигенција како што го имаше во одредени пропагандни спотови во изборите и ова е најдобра поддршка зошто оваа влада треба да биде поддржувана од народот за уште поубави проекти.“

Идни инфраструктурни проекти

Министерот најави дека наскоро ќе биде отворен вториот дел од патот, како и изградба на трета лента на Плетвар и автопат од Скопје до Битола.

  • „За брзо време ќе го отвориме и вториот дел, кој што оди од Дреново до Фариш, таму има два преубави тунели кои што ќе значат нова содржина, ако сакате и во туристичкиот дел во овој регион, а понатаму ќе работиме и на изградба на трета лента на Плетвар каде што сега нема, некаде е кај Беловодица до Прилеп како би можело од Скопје до Прилеп да се патува за час – час и десетина минути. Исто така веќе работиме на изградба на автопат од Скопје до Битола како би можело од Скопје до Битола да се патува за час и половина.“

Завршна честитка

На крајот, Николоски им честиташе на сите кои учествуваа во реализацијата на проектот и се заблагодари за поддршката.

  • „Честитки за сите, претседателе, благодарам уште еднаш за поддршката, за убаво да е и за многу години.“