Поддршка за регионална економска соработка и нови инвестициски можности
Вицепремиерот Александар Николоски соопшти дека имал можност да се обрати на Виена економскиот форум, истакнувајќи дека оваа платформа има клучна улога во регионалната економска соработка.
„Ја имав честа да се обратам на Виена економскиот форум“, напиша тој, нагласувајќи дека VEF ги поврзува земјите „од Јадран до Црно Море“ и ги обединува бизнис-заедницата, институциите и политичките чинители.
Во својата објава Николоски посочи дека форумот се фокусира на заеднички проекти во инфраструктурата, енергетиката, дигитализацијата и иновациите.
„VEF е значајна платформа за регионален економски дијалог и активно придонесува кон подобрување на деловната клима и привлекување инвестиции“, порача тој.