Новак ќе се бори за 10-тата титула во Австралија

Новак Ѓоковиќ се пласираше во своето десетто финале на Отвореното првенство на Австралија, што следува една година откако беше депортиран од земјата.

Српскиот тенисер го победи Американецот Томи Пол со 7:5, 6:1, 6:2 и в недела ќе се бори за титулата против Гркот Стефанос Циципас. Покрај тоа што има шанса да ја освои десеттата титула во Мелбурн, Ѓоковиќ со тоа би го израмнил рекордот на Рафаел Надал од 22 гренд слем трофеи.

„Поддршката од оваа публика ми значи сè. Благодарен сум што сè уште имам доволно гориво да играм тенис на ова ниво“, изјави Ѓоковиќ, кој се мачеше со повреди во текот на турнирот.

Тој нема пораз во Мелбурн од 2018.