НОВИ ДИРЕКТОРИ: Трпковски назначен за директор на „Дрисла“, Кроневски на „Градски паркинг“

Град Скопје ги назначи новите директори на „Дрисла“ и „Градски паркинг“

Градоначалникот на Град Скопје, Орце Ѓорѓиевски, изврши кадровски промени во двете јавни претпријатија „Дрисла“ и „Градски паркинг“.

Стевче Трпковски, поранешен градоначалник на Општина Сопиште, е именуван за нов директор на ЈП „Дрисла“. Воедно, Владимир Кроневски е назначен за директор на ЈП „Градски паркинг“.

Од Град Скопје посочуваат дека новите назначувања се дел од кадровските усогласувања. Овие се спроведуваат пред стартот на новиот циклус урбани и комунални проекти во главниот град.