Спасен Силјаноски со симболична порака пред штабот на СДСМ
По завршувањето на изборниот ден во Општина Кичево, каде што во вториот круг се натпреваруваат Александар Јовановски од ВМРО-ДПМНЕ и Фатмир Дехари од ДУИ, фолк пејачот Спасен Силјаноски испрати порака за заедништво и единство. Тој го поддржа Јовановски и со својата фотографија предизвика лавина реакција на социјалните мрежи.
Повик за надминување на поделбите
Иако познат како симпатизер на ВМРО-ДПМНЕ, Силјаноски објави фотографија пред штабот на СДСМ и напиша дека „успехот е во единството“. Во својата објава нагласи дека е природно да постојат различни ставови, но најважно е сите да бидат обединети кога се работи за доброто на Кичево.
„Ајде сите една песна“ – порака на сплотеност
Својата порака ја заврши со цитат од позната македонска песна: „Ајде сите една песна, песна се македонска, дружно браќа да запееме“, повикувајќи граѓаните да ја стават љубовта кон градот над партиските поделби и да се обединат за иднината на Кичево.
Погледнете ја неговата објава во целост.