Во рамки на утврдените приоритети за подобрување на јавната безбедност, особено помеѓу учениците во училиштата и во јавниот превоз, како и почитување и доследно спроведување на законите, вчера од 06-10 часот на целата територија на државата беше спроведена акциска контрола на 135 локации, во која учествуваа сите сектори за внатрешни работи, соопштија од МВР.
– За време на контролата на подрачјата на сите сектори за внатрешни работи биле легитимирани 236 полнолетни средношколци, а извршени се 1.234 прегледи кај ученици, во однос на почитување на Законот за оружјето, Законот за правда на детето и Кривичниот законик. По документирање на случаите, против сите одговорни лица кои сториле било каков прекршок или кривично дело ќе биде поднесена соодветна прекршочен или кривичен поднесок, соопштија од МВР.
Притоа од МВР додаваат дека биле исконтролирани 148 возила кои вршат јавен превоз на деца кон училиштата, при што биле констатирани 70 прекршоци кои произлегуваат од Законот за безбедност на сообраќајот на патиштата, Законот за возила, Законот за заштита на населението од заразни болести и сл.