Наставата по физичко образование ќе се одвива без заштитни маски, нагласено е во документ од Владата на кој се повикува ТВ21.
Оваа одлука е донесена на барање и средба со група граѓани-родители и е во согласност со препораките на СЗО.
Според објавениот допис од Владата до центарот за управување со кризи, ваквата препорака е донесена на состанокот на Главниот координативен кризен штаб во петокот на барање на родителите.
Прашањето за носење на заштитни маски за време на останатите часови со физичко присуство ќе се разгледа повторно од Комисијата за заразни болести за две-три недели.
