Американскиот претседател Доналд Трамп и основачот на „Тесла“ Илон Маск повторно се видоа во јавноста, овојпат на погребот на конзервативниот активист Чарли Кирк кој се одржа во неделата во Аризона.
Двајцата накратко разговараа во претседателската ложа, каде Маск му подаде рака на Трамп. По краткиот поздрав, Трамп со гест побара од Маск да се повлече.
Читачот на усни Никола Хиклинг тврди дека првите зборови на Трамп биле: „Како си?“. Според него, Трамп потоа му рекол: „Чув дека сакаш да разговараш.“
Маск реагирал со слегнување на раменици, по што Трамп му предложил: „Ајде да се обидеме да најдеме начин да се вратиме на вистинскиот пат.“
Американскиот милијардер одговорил со потврдно кимнување на главата, а тогаш Трамп ја стегнал неговата рака и додал: „Ми недостигаше.“
Овој неочекуван гест доаѓа по повеќемесечна јавна кавга меѓу двајцата, што дополнително ја зголемува симболиката на нивната средба.