Како што соопшти Светската тениска федерација, одлуката за промена на термините е донесена во консултации со Меѓународниот олимписки комитет, Организацискиот одбор, судиите, докторите и тенисерите.

Поради големата влажност на воздухот, која денеска во Токио изнесува 72 отсто, и температури повисоки од 30 степени Целзиусови, претходно на тенискиот турнир Паула Бадоса од Шпанија доживеа топлотен удар поради што го предаде натпреварот против Маркета Вондрушова и го напушти теренот во инвалидска количка.