Општина Тетово прогласува ден на жалост по смртта на Шпат Касапи
Општина Тетово соопшти дека утрешниот ден ќе биде прогласен за ден на жалост на целата нејзина територија, поради смртта на пејачот и уметник Шпат Касапи. Од локалната самоуправа истакнуваат дека Касапи оставил важен печат во развојот на културата и музиката.
Соопштението од општината
Во официјалната објава се наведува:
„Утре (понеделник), 01.12.2025 година, поради смртта на пејачот Шпат Касапи, Општина Тетово ќе прогласи ден на жалост на целата своја територија“. Дополнително се потенцира дека Касапи дал значаен придонес за културата во Тетово, во државата и на албанската музичка сцена. Во пораката е изразено сочувство до семејството, пријателите и сите љубители на уметноста.
Последна почит
Шпат Касапи вчера беше погребан на гробиштата во Тетово, откако почина од срцев удар на 40-годишна возраст.