Јеменските бунтовници Хути ослободија 600 воени заробеници, што претставува најголем ваков чин од почетокот на вооружениот конфликт. Оваа одлука за еднострано ослободување на лицата притворени за време на борбите беше потврдена и од хуманитарните организации на терен.
„Ова е најголемото еднострано ослободување на притвореници во двегодишната граѓанска војна во Јемен“, изјави ал-Муртада.
Меѓународниот комитет на Црвениот крст потврди дека властите во Сана, со поддршка на нивните екипи, еднострано ослободиле 600 луѓе кои беа притворени во врска со вооружениот конфликт во земјата.
„Нашите претставници разговараа со секој од затворениците пред ослободувањето, поддржувајќи го нивното достоинствено враќање во своите домови“, соопшти МКЦК.
Од меѓународната хуманитарна организација посебно нагласија дека немале никаква улога во утврдувањето на вкупниот број на ослободените затвореници, ниту пак учествувале во одлучувањето кои конкретни поединци ќе бидат пуштени на слобода.