Османи: Мицкоски е политичар од 3-та или 4-та лига, Ахмети цел живот го има посветено за земјата да е во ЕУ

Министерот за надворешни работи и портпарол на ДУИ, Бујар Османи вчера гостуваше во дебатниот магазин „ClickPlus“ на ТВ21 каде разговаравше и за барањето на ВМРО-ДПМНЕ за влез во Влада, во која нема да биде дел и политичката партија ДУИ.

Османи додава дека тоа било и за него изненадување, а откри и дека му се јавил на лидерот на ДУИ, Али Ахмети, кој бил на состанок и не ја имал слушнато изјавата на Мицкоски.

„Му кажав дека Мицкоски прифаќа уставни измени, но има еден услов – ДУИ да биде надвор од Владата. Тој се насмеа и ми рече: Прифаќаме веднаш. И тоа е нормално, затоа што ние работиме со месеци, за да земјата оди напред. И кога видовме дека Мицкоски после сите протести смени став, ние се изненадивме и да бидам искрен, тука Мицкоски докажа дека е политичар од 3-та или 4-та лига, кој политиката ја гледа како игра со кибрити и не знае дека пред него стои Али Ахмети кој политиката не ја гледа како игра. Али Ахмети цел свој живот го има посветено на напредок на земјата во ЕУ“, порача Османи.