Министерството за внатрешни работи (МВР) информира дека во рамки на засилените сообраќајни контроли, вчера биле изречени 814 санкции низ државата. Најголем број прекршоци се однесуваат на непрописно паркирање и пречекорување брзина, но казни биле изречени и на пешаци и велосипедисти.
Казнети се 27 пешаци и 8 велосипедисти, како и 16 возачи за минување на црвено светло. Осум лица управувале возило под дејство на алкохол, а 15 возила биле нерегистрирани.
Контролите ќе продолжат за зголемување на безбедноста во сообраќајот. МВР повторно апелира да се почитуваат сообраќајните правила и прописи. Крајната цел е зголемување на целосната безбедност на патиштата.