Крушево се подготвува за празниците – богата програма и забавни активности за сите посетители
Крушево се подготвува за празничната сезона со уникатен настан кој ќе трае до 6 јануари. Здружението Културен манифест, со поддршка на општината, неформални граѓански групи, Локалниот младински совет и повеќе компании, вечерва го отвора „Празничен шепот на крушевската чаршија“, кој ќе понуди богата програма и забавни активности за сите посетители.
Вечерта започнува во 18 часот со музичко-сценска изведба, по што ќе следи осветлување на чаршијата, отворање на Новогодишен базар и пристигнување на Дедо Мраз. Настапот на бендот „Балкан Џем“ ќе го дополнува празничното расположение.
Целта е да се збогати туристичката и културната понуда
Иницијативата е плод на поединци и неформални групи граѓани кои сакаат да го збогатат културниот живот во Крушево за време на празниците. Настанот нуди активности кои ја промовираат локалната традиција и празничната атмосфера.
Богата програма до 6 јануари
Посетителите ќе можат да уживаат во музички настапи, светлосни ефекти, новогодишен базар и други забавни активности, кои ја негуваат празничната атмосфера на крушевската чаршија.