Градот достапен за сите граѓани
Вратите на Град Скопје денеска се отворени за граѓаните кои побарале прием, за да ги споделат своите проблеми, идеи и предлози, информира градоначалникот Орце Ѓорѓиевски.
„И сабота е работен ден кога станува збор за интересите на мојот народ. Денес се отворени вратите на Град Скопје за сите граѓани кои побараа прием, да ги споделат своите проблеми, идеи и предлози“, истакнува Ѓорѓиевски.
Лични средби и телефонски разговори
Дел од граѓаните оствариле лични средби со градоначалникот, а со други биле реализирани телефонски разговори.
„Со дел од нив остваривме и телефонски разговори, затоа што секој глас е важен и секоја порака заслужува внимание“, додава тој.
Градоначалникот нагласува дека сите предлози се евидентирани и дека градот ќе остане отворен за граѓаните.
„Како што ветив – градот е отворен за сите. Без бариери, без затворени врати, без игнорирање. Јас и Град Скопје остануваме достапни, присутни и на страна на граѓаните“, истакнува Ѓорѓиевски.
Средбите ќе продолжат и утре за оние кои имаат потреба од прием. За закажување, граѓаните можат да се јават на 02/3 297 204.