„Падна“ полицаец со обележани пари
Полицаец од Одделението за криминалистички работи во Гази Баба е уапсен во центарот на Скопје, откако бил фатен на дело при примање пари од граѓанин кој претходно го пријавил за изнуда.
Притисоци и барање вртоглав износ
Станува збор за 48-годишниот Х.З., кој, според информациите, заедно со други лица во повеќе наврати вршел притисок врз жртвата и барал 20.000 евра. Како изговор, полицаецот тврдел дека синот на пријавителот наводно му ги земал тие пари.
Стапица со обележани пари
По пријавата, полицијата организирала акција со криминалистичко-технички обработени, односно обележани пари. Вчера (25.12), веднаш по примопредавањето, припадници на Внатрешна контрола и Единицата за насилен криминал го лишиле од слобода осомничениот во центарот на Скопје.
Пронајдени апоени и кривична пријава
Од Министерство за внатрешни работи информираат дека при извршен претрес кај него биле пронајдени 20 апоени од по 50 евра. Против Х.З. е поднесена кривична пријава за кривично дело „изнуда“.
Ова не е прв ваков случај:
Повеќе детали се очекуваат во наредните денови.