Пешадиска обука во велешката касарна
Согласно годишниот план и програма за обука со новопримените професионални војници на 10 февруари 2026 година, во касарната „Алексо Демниевски- Бауман“- Велес, се реализираше пешадиска обука на тема: „Индивидуални постапки на движење на војник“. Обуката беше насочена кон унапредување на тактичките вештини, соопштија од АРМ.
„Индивидуални постапки на движење на војник“
Паралелно со обуката со професионалните војници, започна и стажирањето на питомците од 3 и 4 година, кои активно учествуваа во обуката на професионалните војници во улога на командири на одделенија и командири на водови. На тој начин питомците имаа можност практично да ги применат стекнатите знаења и да развиваат командни и лидерски способности во реални услови, истакнуваат од македонската армија.
На вежбата присутни беа и министерот за одбрана, Владо Мисајловски, како и началникот на Генералштаб на АРМ, Сашко Лафчиски.