Како што јави дописничката на МИА од Брисел, за С. Македонија една од главните точки е спорот со Бугарија, за кој се очекува да се изјаснат повеќе европратеници на денешната дебата.
Неколку пратенички групи поднесоа посебен Амандман за поддршка за конструктивниот однос на С. Македонија и критики за провокативните изјави на Софија, но засега е нејасно дали тој ќе добие поддршка.
Известувачот за С. Македонија и автор на извештајот, бугарскиот европартеник Илхан Ќучук, пред почетокот на дебатата порача дека е важно С. Македонија и Бугарија да продолжат со конструктивен дијалог и да постигнат компромис за Акцискиот план, кој редовно ќе се проценува врз основа на Договорот за пријателство и на овој начин „ќе може да се рестартира европскиот процес за С. Македонија“ и ќе и се овозможи на ЕУ да ја свика првата меѓувладина конференција.
– Дополнителни одложувања ќе ја загрозат објективноста на процесот на зачленување, треба да се фокусираме на големата слика, потребно ни е да градиме мостови за обединување наместо ѕидови што разделуваат, изјави Ќучук.