Пожарот што денеска избувна на депонијата Вардариште е ставен под целосна контрола, а во повеќе скопски населби веќе започна враќањето на електричната енергија. Ова го потврди директорот на Дирекцијата за заштита и спасување, Стојанче Ангелов.
„Пожарот во депонијата Вардариште е целосно ставен под контрола. Набргу, дел по дел, ќе биде пуштена електричната енергија“, изјави Ангелов.
Првите информации од терен покажуваат дека струјата е пуштена во делови од Лисиче, како и во Горно и Долно Лисиче, додека снабдувањето е стабилизирано и во Аеродром. Според надлежните, се очекува во текот на вечерта целосно нормализирање на електричната енергија и во останатите погодени делови на градот.
Интервенцијата на противпожарните екипи и тимовите на ДЗС ја елиминира опасноста од ширење на огнот надвор од депонијата.