Европа ќе продолжи безрезервно да ја поддржува Украина како во време на воени дејствија, така и во периодот на градење мир, поздравувајќи ги истовремено мировните консултации за запирање на конфликтот што се одржаа во Абу Даби.
Претседателката на Европската комисија, Урсула фон дер Лајен, за време на своето обраќање во Даблин нагласи дека европската солидарност кон украинската држава останува цврста и постојана во сите фази на кризата.
По пристигнувањето на самитот на Европската политичка заедница, првата личност на Европската комисија подвлече дека учеството на европските дипломати во преговорите во Абу Даби има клучна важност за одбрана на стратегиските европски интереси, но и поради директното барање испратено од страна на шефот на украинската држава Володимир Зеленски.
„Тој побара Европејците да го поддржат во овие преговори и ние ќе ја поддржиме Украина, без разлика дали е во период на војна или во мир“, изјави Фон дер Лајен.