Сиљановска-Давкова телефонски разговараше со Зеленски
Претседателката на Македонија, Гордана Сиљановска-Давкова денеска телефонски разговараше со украинскиот претседател Володимир Зеленски. Главна тема беше украинско-рускиот конфликт и можностите за траен и праведен мир.
„Претседателот Зеленски ја запозна претседателката Сиљановска-Давкова со тековните дипломатски напори. Тие се насочени кон договор за стабилност и мир во Украина“, соопштија од Кабинетот на претседателката.
Разговорот беше краток, но фокусиран на мировните иницијативи.
Зеленски најави одржување на Самитот „Украина – Југоисточна Европа“ за поддршка на мирот. Самитот ќе ги собере лидерите од регионот за да ги координираат напорите.
Извор: plusinfo