Битола и црногорскиот крајбрежен град Херцег Нови одбележаа значаен јубилеј од воспоставувањето на своите партнерски врски. Градоначалникот на Битола, Тони Коњановски, присуствуваше на свеченото одбележување на 50-годишнината од збратимувањето на двата града, кое официјално датира од 1976 година. За време на настанот беше потпишан нов Меморандум за потврдување на соработката.
Преку потпишаниот документ, градовите Битола, Херцег Нови, Бања Лука, Крањ и Земун ја потврдија својата заедничка определба за одржување и зајакнување на партнерските односи, како и за продлабочување на соработката во повеќе општествени области. Коњановски подвлече дека во изминатите години меѓусебните контакти биле интензивирани преку низа заеднички активности и манифестации, истакнувајќи ја непроценливата вредност на овие пријателски врски.
Со садењето на дрвото на пријателството, подадовме рака за нашата заедничка иднина, за желбата да бидеме поблиски, да си помагаме едни на други и, пред сè, цврсто да стоиме на темелите на заедништвото, пријателството и визијата за иднината
Како симбол на трајноста на врските и нивното пренесување на новите генерации, на влезот во паркот „Бока“ беше засадено дрво на пријателството. Свечената програма по повод јубилејот беше заокружена со музички концерт кој опфати изведби на традиционални композиции, класични дела и преработки на популарни светски хитови.