Пониски цени на горивата од полноќ. Дизел горивата од ноќеска на полноќ поевтинуваат за два денара по литар, а цената на бензините се намалува од половина до еден денар за литар, одлучи Регулаторната комисија.
Малопродажните цени на Еуродизел (Д-Е V) и на Екстра лесното масло за домаќинство (ЕЛ-1) се намалуваат за два денара и ќе чинат 70, односно 69,5 денари за литар. Малопродажната цена, пак, на бензинот Еуросупер БС-98 се намалува за еден, а на Еуросупер БС-95 за половина денар така што ќе се продаваат за 76,5, односно за 74,5 денари за литар.
Со одлуката на РКЕ за 1,240 денари за килограм се намалува и малопродажната цена на Мазутот М-1 НС и ќе изнесува 42,261 денари.
Со одлуката се врши намалување на малопродажните цени на нафтените деривати во просек за 2,08 отсто.