Поранешниот заменик врховен командант на НАТО во Европа, Сер Ричард Ширеф, изјави дека тој, како и повеќето луѓе, има длабоки сомневања во ветувањето на Русија дека ќе ги намали своите напади врз Киев и Чернигов.
– Ова е речиси сигурно признание дека обидот за напредување не успеа и дека најверојатно ќе нападне на друго место. Исто така, не би отфрлил дека тоа е некаква форма на измама, вели тој.
– Додека Путин е во Кремљ, не може да има мир во Европа, истакна Ширеф, опишувајќи го Путин како крвожеден автократ.
Тој вели дека НАТО мора да се погрижи војната со Русија да остане студена и да нема индикации дека НАТО се подготвува за каква било војна.
– Сè уште не сме го виделе тоа зголемување на способноста на НАТО, што мислам дека ќе биде клучно ако Алијансата сака да спречи каква било натамошна агресија, рече Ширеф.